PANG-URI: Tatlong (3) Antas Ng Pang-Uri At Mga Halimbawa

10 halimbawa ng pang uring pamahagi,10 halimbawa ng pang uring lantay,10 halimbawa ng pang uring magkasalungat,10 halimbawa ng pang uring pamilang,10 halimbawa ng pang uri at gamitin sa pangungusap,10 halimbawa ng pang uri pamilang,10 halimbawa ng pang uri,10 halimbawa ng pang uri na pangungusap,10 halimbawa ng pang uri panlarawan,10 halimbawa ng pang uri sa pangungusap,

Tatlong(3) Antas ng Pang-Uri at mga Halimbawa

PANG-URI – Kilalanin ang tatlong(3) uri ng pang-uri – ang Lantay, Pahambing, at Pasukdol, at mga halimbawa ng mga ito.

Isa sa mga bahagi ng pananalita ay ang Pang-uri. Ito ay tumutukoy sa mga salitang naglalarawan sa pangngalan ng tao, bagay, hayop, lugar, o pangyayari. Maaari rin itong magbigay turing sa isang panghalip.

Ano ang tatlong(3) antas ng Pang-uri?

Mayroong tatlong antas o kaantasan ang Pang-uri – ang Lantay, Pahambing, o Pasukdol. Bawat isa sa kanila ay may pinagkaiba.

1. Lantay – ito ay nasa lantay na kaantasan kapag walang ipinaghahambing na dalawa o maraming bagay. Ang mga halimbawa nito ay maganda, mataas, mabigat, at mahinahon.
2. Pahambing – ito ay nasa pahambing na antas kapag may pinaghahambing na dalawang pangngalan – tao, bagay, hayop, lugar, at pangyayari. Ang mga halimbawa nito ay mas maliit, magkasing-lapad, at mas kasya.
3. Pasukdol – ito ay nasa pasukdol na antas o kaantasan kapag ito ay nagpapakita ng pangingibabaw sa lahat. Ang mga halimbawa nito ay pinakamatalino, pinakamatapang, at pinakamalaki.

Mga Halimbawa ng Pang-Uri:

Lantay: Maganda si Loisa.
Pahambing: Mas maganda si Loisa kaysa kay Trina.
Pasukdol: Pinakamaganda si Loisa sa kanilang magkakaibigan.

Lantay: Mataas ang bundok sa probinsya ng Malapatin.
Pahambing: Magkasing-taas ang mga bundok sa probinsya ng Malapatin at Hinanduraw.
Pasukdol: Pinakamataas na bundok ang bundok sa probinsya ng Malapatin.

Lantay: Maagang umuwi si Patrick kagabi.
Pahambing: Mas maagang umuwi si Patrick kagabi kaysa noong isang araw.
Pasukdol: Pinakamagaang umuwi si Patrick dahil nagmamadali itong makapagligpit sa bahay nila.

Lantay: Bago ang bahay ng Pamilya Ramirez.
Pahambing: Higit na mas bago ang bahay ng Pamilya Ramirez kaysa Pamilya Cruz.
Pasukdol: Pinakabago sa kanilang lugar ang bahay ng Pamilya Ramirez.

Lantay: Malakas ang ulan kaya hindi kami agad nakaalis.
Pahambing: Magkasing-lakas ang ulan ngayon sa ulan kahapon.
Pasukdol: Pinakamalakas na ulan ngayong linggo ang ulan noong sabado.

Link Source : https://philnews.ph/2018/12/18/pang-uri-tatlong-3-anta-pang-uri-halimbawa/